محمد هارون خردمند
کمیته امنیت ملی تاجیکستان در پی کشتهشدن دو مرزبان این کشور در نزدیکی مرز خراسانافغانستان، از گروه طالبان خواسته است بهدلیل «بیمسئولیتی و عدم اجرای تعهدات امنیتی» از مردم تاجیکستان عذرخواهی کند.
این کمیته در بیانیهای اعلام کرد که گروه طالبان در عمل به تعهدات بینالمللی خود برای تامین امنیت و ثبات در مرزهای مشترک و مبارزه با گروههای تروریستی، بهگونه جدی و مکرر کوتاهی کردهاند.
بر بنیاد اعلام مقامهای تاجیکستانی، این رویداد روز گذشته، در نتیجه درگیری میان مرزبانان تاجیک و مهاجمان مسلحی که از خاک خراسانافغانستان وارد شده بودند، رخ داده و در آن دو سرباز تاجیک کشته شدهاند.
کمیته امنیت ملی تاجیکستان تایید کرد که در جریان این درگیری، سه عضو یک سازمان تروریستی نیز کشته شدهاند و از نزد آنان مهماتی هم به دست آمده، هرچند هویت دقیق این افراد فاش نشدهاست.
این نهاد تاکید کردهاست که رهبری گروه طالبان باید ضمن عذرخواهی رسمی، اقدامات موثر و عملی برای جلوگیری از تکرار حملات تروریستی و تامین امنیت مرزهای مشترک انجام دهد.
این در حالی است که چندی پیش پنج شهروند چینی نیز طی حملاتی از خاک خراسانافغانستان در مرز تاجیکستان کشته شدند.
