تاکید تاجیکستان و آمریکا بر مبارزه در برابر هراس‌افکنی

تاکید تاجیکستان و آمریکا بر مبارزه در برابر هراس‌افکنی

افسری

امام‌علی رحمان، رئیس‌ جمهور تاجیکستان و کریستوفر لاندو، معاون وزیر خارجه امریکا، در دیداری در شهر دوشنبه پایتخت تاجیکستان درباره ادامه همکاری در مبارزه با هراس‌افکنی، افراط‌گرایی و قاچاق مواد مخدر گفت‌وگو کردند.

بر پایه گزارش‌های منتشر شده روز پنج‌شنبه ۲۸ عقرب/آبان، دفتر ریاست‌ جمهوری تاجیکستان اعلام کرد که در جریان سفر کاری کریستوفر لاندو معاون وزارت خارجه آمریکا به دوشنبه، بر همکاری‌های دوجانبه در مبارزه با قاچاق مواد مخدر تاکید شد.

بر پایه گزارش‌ها، همکاری‌های بلندمدت در صنعت معدن از محورهای دیگر این گفت‌وگو اعلام شده‌است.

این گفت‌وگوها در حالی انجام می‌شود که پیشتر در ۲۷ میزان امسال نیز وزیران خارجه پنج کشور آسیای میانه و مارکو روبیو، وزیر خارجه امریکا، در نشست سی۵+۱ در سمرقند بر اهمیت مبارزه با هراس‌افکنی، جرایم سازمان‌یافته فراملی، تهدیدهای سایبری، قاچاق مواد مخدر و اسلحه و تقویت امنیت مرزی تاکید کرده بودند.

کشورهای آسیای میانه که با خراسان‌افغانستان مرز مشترک دارند، در سال‌های گذشته بارها درباره فعالیت گروه‌های مسلح از جمله داعش خراسان در خراسان‌افعانستان ابراز نگرانی کرده‌اند.

در facebook به اشتراک بگذارید
در twitter به اشتراک بگذارید
در telegram به اشتراک بگذارید
در whatsapp به اشتراک بگذارید
در print به اشتراک بگذارید

لینک کوتاه خبر:

https://khorasantimes.com/?p=43927

نظر خود را وارد کنید

آدرس ایمیل شما در دسترس عموم قرار نمیگیرد.