سیحون کوهسار

جبهه مقاومت ملی در بیانیه‌ای به مناسبت سی‌وپنجمین سالگرد استقلال تاجیکستان، این کشور را «ستون استوار تمدن و فرهنگ گرانسنگ پارسیزبانان» و «سرچشمه عزت و غرور تمام تاجیکان جهان» خواند.

در این اعلامیه که روز چهارشنبه ۱۸ سنبله/شهریور منتشر شد، آمده‌است، تاجیکستان امروز «الگویی برجسته» از ثبات، امنیت، رفاه و توسعه در منطقه خوانده شده و از آن به‌عنوان «نمادی روشن از عقلانیت، درایت مدیریتی و شکوه تمدنی» یاد شده‌است.

جبهه مقاومت ضمن تبریک این سالگرد، دستاوردهای تاریخی تاجیکستان را مایه افتخار همگانی دانسته و برای مردم این کشور آرزوی پیشرفت و شکوفایی روزافزون کرده‌است.

در این بیانیه، تاجیکستان «کشور برادر، هم‌فرهنگ و هم‌سرنوشت» گفته شده و به دوستی امامعلی رحمان، رئیس‌جمهور تاجیکستان، با برهان الدین ربانی و احمدشاه مسعود نیز اشاره شده‌است.

گفتنی است روز دوشنبه، ۱۶سنبله شماری از شهروندان خراسان‌افغانستان از جمله نویسندگان، در مراسمی به مناسبت استقلال تاجیکستان با حضور اما‌م علی رحمان شرکت کردند.