پاییز احمدی

دبیرخانه وضعیت فوری تاجیکستان، از پیدا شدن جسد همسر رییس اسبق استان خودمختار بدخشان تاجیکستان در خاک خراسان‌افغانستان خبر داد.

دبیرخانه وضعیت فوری تاجیکستان امروز شنبه ۱۳سرطان/تیر، اعلام کرده‌اند که جسد آمنه امان‌الله‌اوا، همسر علی‌شیر میرزانبات، رییس سابق این استان تاجیکستان به همکاری مرزبانان گروه ط-البان پیدا شده‌است.

این دبیرخانه افزوده که جسد آمنه، با همکاری نیروهای مرزی گروه ط-البان، دیروز جمعه در محله «رود پنج» واقع در خاک خراسان‌افغانستان پیدا شده‌است.

با این حال وزارت داخله تاجیکستان گفته که جسد این زن را دریافت کرده‌اند و از بررسی‌های بیش‌تر پیرامون این رویداد سخن زده‌اند.

این وزارت دلیل این رویداد را سرعت بیش از حد و منحرف شدن خودرو از جاده عنوان کرده‌است.

مقام‌های تاجیکستانی اعلام کرده‌اند که عملیات جستجو‌ برای پیدا کردن جسد یک کودک دوساله این مقام پیشین کشور تاجیکستان در خاک خراسان‌افغانستان نیز ادامه دارد.