گروه طالبان: سه تن را بخاطر انتقال مواد مخدر به تاجیکستان، بازداشت کردیم

پاییز احمدی

مقام‌های محلی گروه طالبان در بدخشان اعلام کرده‌اند که سه تن را به ارتکاب قاچاق مواد مخدر از مرز تاجیکستان بازداشت کرده‌اند.

نورالله نظری، مسوول فرقه ۲۱۹ عمر ثالث گروه طالبان در بدخشان می‌گوید که این افراد مقداری از تریاک را می‌خواستند از بدخشان خراسان‌افغانستان به تاجیکستان انتقال بدهند.

وی هم‌چنان اضافه کرده که نیروهای مرزی گروه طالبان آنان را از محله مرزی «انجیرباغ» شهرستان خواهان بدخشان بازداشت کرده‌‌اند.

این در حالی‌ست که مقام‌های تاجیکستانی چندی قبل اعلام کرده بودند که قاچاق مواد مخدر از طریق خراسان‌افغانستان و تاجیکستان به کشورهای منطقه نسبت به گذشته گسترش یافته‌است.