نور جلال جلالی، وزیر صحت‌عامه گروه طاـلبان، با نمایندگان صندوق جمعیت سازمان ملل (UNFPA)، سازمان بین‌المللی مهاجرت (IOM) و سازمان صحی جهان (WHO) برای خراسان‌افغانستان دیدار کرد.
بر اساس خبرنامه وزارت صحت عامه گروه طاـلبان، در این نشست، وزیر صحت‌عامه این گروه بر ضرورت ارایه خدمات بهتر صحی و مدیریت مؤثر کمک‌های جامعه جهانی تأکید نمود.
طبق این خبرنامه جلالی همچنان خواهان هم‌آهنگی بیشتر میان نهادهای بین‌المللی و وزارت صحت‌عامه در تطبیق برنامه‌های صحی شد.
نمایندگان سازمان‌های بین‌المللی نیز تعهد سپردند که همکاری‌های‌شان را در مطابقت با پالیسی‌ها و اولویت‌های وزارت صحت‌عامه گروه طاـلبان ادامه می‌دهند.
این در حالی است که این دیدار در چارچوب تلاش‌ها برای تقویت نظام صحی خراسان‌افغانستان و استفاده مؤثر از منابع کمک‌کننده‌ها برگزار شد.
